The World For Our Sons
ငါ့သားတွေကို တစ်နေရာမှာ ကြီးပြင်းစေချင်တယ်
အဲဒီနေရာမှာ…
မတရားတာကို ငုံ့မခံဖို့ ငါသင်ကြားပေးချင်လို့ တရားမျှတမှုတို့ ဖူးပွင့်ရမယ်
အားနည်းသူကို ဖေးကူဖို့ ငါလက်တွေ့ပြချင်လို့ နိုင်ထက်စီးနင်းမပြုကြရဘူး
ပြီးတော့…
ဘာသာ၊ သာသနာကို အမှန်တကယ် နှလုံးသားထဲက တန်ဖိုးထားကြပြီး
အရာအားလုံးအထက်မှာ အမှန်တရားရှိမယ်ပေါ့
စမ်းတ၀ါးဝါးနဲ့ လမ်းပျောက်တုံးကတောင် အဲဒီလို ရွှေပြည်တော်ကို ငါတို့မျှော်ခဲ့ကြတယ်
အခုလိုလမ်းကြမ်းတာလောက်တော့ စိတ်မပျက်ချင်ဘူး
ဒါပေမယ့်…
မြေနိမ့်ရာလှံစိုက်တဲ့ မလွတ်မြောက်နိုင်သေးရာအရပ်မှာ
ခရီးဖော်တွေလည်း တဖြုတ်ဖြုတ်ကြွေလွင့်လို့
ကိုယ်ယုံကြည်ရာမပြောရလွန်းလို့ ငါလည်းဆွံ့အနေခဲ့ပြီ
သားတို့ခေတ်ကြရင် ဒီလို ကြယ်မသာ၊လမသာတဲ့ည မရှိရဘူး
ဒီလို ဗြမစိုရ်တရား မခေါင်းပါးရဘူး။
လူဆိုတာ လူလို ကြီးပြင်းခွင့်ရှိရမယ်လေ။
တခြားနေရာက ကလေးတွေ အော်နေကြတယ် Vox populi, vox Dei တဲ့
အဲဒါမျိုး မင်းတို့ကြားဖူးအောင် ငါလုပ်ပေးနိုင်ပါတော့မလား သားတို့ရယ်…
ငယ်ငယ်လေး
No comments:
Post a Comment